Plantun de Prouvènço

Pèr coumpara dos planto d'encò nostre

Asperula cynanchica subsp. cynanchica & Romulea ramiflora

Asperula cynanchica subsp. cynanchica

Rubiaceae

Noms en français : Aspérule à l'esquinancie, Herbe à l'esquinancie.

Descripcioun :
L'erbo-de-l'esquilènci es uno planto proun coumuno, mai pas toujour bèn couneigudo, que trachis dins li tepiero seco de colo e de mountagno. Li lòngui tijo, carrado e primo, porton d'inflourejado de poulìdi flour roso emé un long tube. Li fueio d'en bas soun verticilado alor que li di ramo d'en aut soun óupousado.

Usanço :
Ero uno erbo couneigudo pèr sougna l'esquilènci, valènt-à-dire li poustèmo (acamp) di gaio dóu còu (amidalo).

Port : Erbo
Taio : 10 à 60 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Asperula
Famiho : Rubiaceae

Coulour de la flour : Roso
Petalo : 4
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio - Paret - Champ
Estànci : Mesoumediterran à Subaupen
Couroulougi : Éurimediterranenco
Ref. sc. : Asperula cynanchica subsp. cynanchica L., 1753

Roumulèio(-ramificado)

Romulea ramiflora

Iridaceae

Nom en français : Romulée ramifiée.

Descripcioun :
Aquesto roumulèio trachis dins li pelouso sablouso pas trop liuen de la mar. La fau cerca en fin d'ivèr que flouris d'ouro dins l'annado. Romulea ramiflora èi pulèu forto e pòu faire de mato. La o li flour (de 1 à 5), pulèu pichoto soun roso emé lou founs rega de poupro e de jauno. Li fueio soun longo e espesso. La brateolo a lou mitan verd mai larg que li bord.

Usanço :
Couneissèn pas d'usanço particuliero pèr aquelo planto. D'estùdi d'aro an moustra qu'avié de prouprieta anti-óussidanto.

Port : Erbo
Taio : 10 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Romulea
Famiho : Iridaceae

Ordre : Iridaceae

Coulour de la flour : Vióuleto
Petalo : 6
Ø (o loungour) flour : 12 à 16 mm
Flourido : Printèms Ivèr

Sòu : Si (Ca)
Autour basso e auto : 0 à 50 m
Aparado : Noun
Febrié à mai

Liò : Pelouso umido - Prado marino - Trepadou
Estànci : Termoumediterran à Mesoumediterran
Couroulougi : Estenoumediterrano
Ref. sc. : Romulea ramiflora Ten., 1827

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Asperula cynanchica subsp. cynanchica & Romulea ramiflora

CCC

Coumpara Erbo-de-l'esquilènci emé uno autro planto

Coumpara Roumulèio(-ramificado) emé uno autro planto